प्रियांका पाटील यांची न्यायाधीशपदी निवड
कराड : ग्राम दौलत न्यूज नेटवर्क –
आटके ता. कराड येथील प्रियांका बाजीराव पाटील हिने महाराष्ट्र लोकसेवा आयोगामार्फत (एमपीएससी) आणि मुंबई उच्च न्यायालयाच्या संयुक्त विद्यमाने घेण्यात आलेल्या दिवाणी न्यायाधीश कनिष्ठ स्तर व प्रथमवर्ग न्यायदंडाधिकारी परिक्षेत पहिल्याच प्रयत्नात यश मिळविले. यात प्रियांका बाजीराव पाटील यांची न्यायाधीशपदी निवड झाली आहे.
परीक्षेसाठी पुणे येथील, गणेश शिरसाट अकॅडमी चे अॅड. गणेश शिरसाट यांचे मोलाचे मार्गदर्शन मिळाले. परीक्षेत मिळालेल्या यशाचे श्रेय तिने वडिल बाजीराव गणपती पाटील आणि आई सौ. निर्मला बाजीराव पाटील व भाऊ सचिन बाजीराव पाटील आणि गुरुवर्य अॅड. गणेश शिरसाट यांना दिले आहे. तिच्या वडिलांची आर्थिक परिस्थिती बेताची असताना सुद्धा आपल्या मुलीने आटके गावातील पहिली न्यायाधिश झाल्याने कौतुक केले. तर तिच्या या निवडीबद्दल आटके गावच्या ग्रामस्थांनी अभिनंदन
केले.
